Inauguración do calendario das competencias

O mércores, tivemos a sorte de asistir á inauguración do calendario de competencias elaborado por mestres e mestras da provincia de Pontevedra.

Os seus autores explicáranos a importancia que teñen as competencias no noso día a día e a importancia que ten adquirilas e traballalas tódolos días. Por iso comprometémonos a levar a cabo as actividades propostas para cada día no calendario.

Rumbo ao Oceanográfico

O 30 de novembro celebramos o día da acuicultura indo ao Instituto Oceanográfico de Vigo, onde recibimos o premio polo concurso de cociña no que participamos.

Foi unha visita moi interesante, xa que apredemos moitas cousas relacionadas co mar e coa acuicultura. Puidemos aprender cantos anos ten un peixe extraendo e analizando os otolitos, como diferenciar a un macho dunha femia, vimos peixes criados por acuicultura, observamos por un microscopio os seus alimentos... Foi unha visita incrible na que aprendemos moitas cousas.

A pleno pulmón

Un día como outro calquera, chegamos a clase e que nos atopamos??  UNS PULMÓNS!!

Si, estades a ler ben. Nunha das mesas había uns pulmóns de cerdo.

Cando o vimos pensamos moitas cousas, que era estraño, agradable, desagradable... a algún deunos grima... Pero nada nos impediu tocar os pulmóns e inflalos empregando un tubo que facía de tráquea.

Foi una gran experiencia xa que puidemos comprobar e experimentar o que estudáramos hai uns días. Comprendimos que son os bronquiolos, como é a capacidade dun pulmón, puidemos tocalo para comprobar a textura...

So podemos dicir que nunca nos esqueceremos desta experiencia e como funciona o aparello respiratorio.

Larpeiros no Laxeiro

Os nenos e nenas de sexto curso imos participar nun concurso de receitas que teñen como ingrediente principal un produto de acuicultura.

Primeiro elaboramos o nso propio recetario. Logo escollemos dúas receita que puidéramos elaborar na clase e por último levámolas acabo.

O resultado foi  este, espero que vos guste. 

Bo proveito

Colle aire e respira

A pasada semana pasada fixemos un experimento na clase empregando os seguintes materiais:

•         3 globos e guante de látex.
•          Unha botella de plástico
•         1 guante de látex
•         Celo
•         2 palliñas
•         Un anaco de plastilina

Que fixemos con todo iso?  Un experimento relacionado co sistema respiratorio.

Puxémonos mans a obra e seguimos as instrucións indicadas.  Ademais, como bos científicos que somos, completamos unha ficha técnica sobre o experimento.

Foi una actividade moi divertida, coa que repasamos as partes do sistema respiratorio e o seu funcionamento.

Terrorificamente saudable

Para celebrar o Samaín fixemos unha merenda moi saudable na clase de plástica.

Convertemos unha mandarina nunha cabaza e fixemos dous fantasmas moi saborosos empregando un plátano e sirope de chocolate.

Pasámolo moi ben e desfrutamos moito comendo as nosas obras.

EDUCACIÓN VIAL

O venres 19 de outubro e o venres 26 de outubro, as clases de 6º A e 6ºB fixemos unha actividade coa Polocía Nacional sobre educación vial.

Foi unha actividade moi interesante xa que, non so repasamos os diferentes sinais de tráfico, as normas de circulación para os peóns, para os condutores e para os ciclistas se non que tivemos que por en práctica estes coñecementos.

Unha parte da clase converteuse en ciclistas, outros en peóns e outra parte actuou de policías. Estes últimos tiña a función de comprobar se os condutores e os peón cumprían ou non as normas de seguridade vial.

Para rematar fixemos unha valoración das anotacións feitas polos policías e reflexionamos sobre a importancia de cumprir as normas de tráfico.

Etiquetado dos alimentos

Seguimos traballando co proxecto Come san, medra feliz e hoxe tivemos a sorte de recibir, dende o programa Cores, unha charla sobre o etiquetado dos alimentos.

Analizamos varias etiquetas de produtos reais, aprendemos cales son os elementos que debe ter unha etiqueta, como ler a información dos nutrientes e que aspectos do produto débense indicar nela.

Para rematar organizámonos en pequenas empresas e deseñamos o noso propio produto coa súa correspondente etiqueta. Foi un traballo moi divertido e sobre todo moi creativo.

ILLAS CÍES, AS ILLAS DA NATUREZA

O 4 de outubro fomos a unha actividade na "Porta do Sol". Este taller, organizado polo Concello de Vigo e de título "Illas Cíes, Patrimonio da Humanidade", consistiu en realizar 6 actividades mentres aprendemos sobre estas illas xogando.

As actividades trataron sobre a fauna, a flora, as  paisaxes, os animais, a pesca... Ensináronnos as distintas correntes de auga a través dun experimento de tinta china, os beneficios da fertilización das gaivotas coas súas feces, a diferenciar as distintas paisaxes das illas e a conservalas, e as múltiples formas de pesca.

Ao rematar recibimos uns espectaculares agasallos.

Foi unha saída fantástica!! Pasámolo moi ben!!

EXCURSIÓN ILLAS CÍES

 

 O día 4 de outubro fumos ao centro de Vigo para facer unhas actividades sobre o Patrimonio Illas Cíes.

Para comezar, déronnos uns pasaportes para sellar cada taller. Primeiro preguntáronnos: 

Conservamos se usamos? 

Trataba sobre que a acción humana destruía a natureza. Tamén falaba sobre o turismo sostible, que é un turismo controlado.

Despois fixemos unhas actividadaes sobre os paisaxes e outra da fauna e experimentamos coas feces das gaivotas, que servían como abono e descrubrimos por qué a auga da praia en verán é fría.

A verdade e que quedamos ABRAIADOS!!

Benvidos